Saturday 8 March 2014

Arsenal chun Everton 4-1 a hnein FA Cup semifinal an lut.

Arsenal chun FA Cup quarter final ah Everton chu Emirates stadium ah an lo mikhuola. 4-1 laia hnein FA Cup semifinal an kai tah. Arsenal ta ding hin Giroud chun goal 2 a thuna. Ozil le Arteta (P) hai chun goal khat ve ve an thun bawk. Everton ta ding hin Lukaku chun goal khat a thun ve.

LINES UP:
Everton XI: Joel Robles; Coleman, Stones, Distin, Baines; McCarthy, Barry; Mirallas, Barkley, Pienaar; Lukaku. Everton
Substitutes: Hibbert, McGeady, Deulofeu, Naismith, Osman, Howard, Browning.

Arsenal XI: Fabianski; Sagna, Mertesacker, Vermaelen, Gibbs; Flamini, Arteta; Cazorla, Ozil, Oxlade-Chamberlain; Sanogo.
Arsenal Substitutes: Rosicky, Podolski, Giroud, Viviano, Jenkinson, Gnabry, Miyaichi.

1st half a hin goal khat ve ve inpe in anin draw a. Arsenal ta dinga goal thuntu hi tulaia sawisel nasatak tuok mek Ozil a nih. Ama hin tran anthawk 7mins na ah goal a thun. Arsenal Inkhel thun lem deu hai sienkhawm Everton in ball an chang huna an danger thei hle. Everton player Barkley chu a kheltha hle bawk. 32mins ah counter attack anthawk Everton chun goal hung thun vein 1-1 in anin draw a. Everton goal thun tu hi Chelsea anthawka an haw (loaned) Lukaku a nih.

2nd half an trana, team pahni in chance an nei zeu zeua chu goal a lut el thei nawh. Arsenal chun game hung thunun peiin 68mins ah penalty hmangin hma anthruoi. Barry chun Chamberlain penalty area ah a foul a, Arteta chun vawihni a peta a thun ve ve a. Goal khat cho pawm a nih. Hun tawptawm 10minutes sung Arsenal chun goal 2 an la thun sa a. Substitude Giroud chun 83 le 85mins haia goal hung thunin Arsenal chun Everto chu 4-1 a hnein FA Cup semi-final an lût a. Kum tamtak trophy chawi talo Arsenal ta ding chun hunthra an her mek.

No comments:

Post a Comment