Hlawsamna khel tieng a hlawtlingna changtu Brendon Rodgers

Hlawtlingna chu hlawsamna chang hmasa zet naw chun chang a harsa a, ei hlawsam ta chun hlawsamna lampui hai ei hriet hne a, hlawtlingna lampui hraw ṭal ṭal theina dingin chona thar a mi pek ngei hlak bawk.

Reading haiin manager nina a inthawkin Brendon Rodgers an sack zo khan, sin nei loin a um a, tu ruok hin chu Liverpool indin thar nawktu indiktak a hung nit ah a nih.

Mitthli tla vangin Brendon Rodgers chun hieng hin a hril, “  December ni 16, kum 2009, nilaini zantieng dar 5 khan Reading manager ka nina a inthawk banin ka um a, ana ka tie m em a, ka hringnuna a vawikhatna dingin sin bo le football khawvel ka chenchilna rama inthawk ka um hmang phutna a ni leiin tuor thiem harsa ka tih tawp thei nawh. Dubai a ka fe a , ni 10 cham singin, chu huna chun ka thil lo tawnhriet tahai chu ziekfung chelin ka ziek dawk tawl a, hmasawnna ka mamaw hai le ka tlin nawna hai chu ngaituo zing pumin. Ka nu February ni 3 khan a thi a nawk a, chu zo chun sin thaw dingin kan pei nawk tah a, sienkhawm ka hringnun a thil pawimaw em em pahni ka nu le football chun an mi maksa ta si, sin hai zawngin kan vak vel a, sienkhawm a mi dawnsak reng an um der nawh..” tiin a hun twang hun harsa tak ṭuma a nun dan hai chu lungriem mitthli le an zawt.

June ni 1, kum 2012 khan Liverpool manager nina sin a hung chel nawk a, a sin thar nei hi a ruol hlui Jose Mourinho khawm a ṭha a lo tipuiin a lo lawmpui ve a. Liverpool manager nina a chel a inthawk hin a zaiin hung invawr tung peiin, club tlusie mek nia mi ngai hiel tah Liverpool chu hung indin thar nawkin, title hai chen la thei ding ngirhmuna a hung hlangkai thei tah a nih. Hlawsam chang, chan chang ni hai um sien khaw, chawl lo a ei bei fan fan zing chun hlawtlingna’n a mi hmuok mek ti Brendon Rodgers hringun a inthawk hin an lang chieng hle.