Tuesday 25 March 2014

Manchester Derby ah United ta dingin City an lien taluo. . .

Vawizan zansawt hnung khan Manchester khuo Club lien pahni Manchester City le Manchester United hai chu Old Trafford ah Premier League match an khela. Mikhuol team City chun awlsamtakin 3-0 in an hne. 

Manchester Derby match hi iengtik lai khawm a ropuia. Khawvela khawm derby ennuom um pawl tak khawm a nih. City an hung lien ve anthawk lem hin chu a pui thei hle. Kum dang derby match hai kha chu title fight ania sienkhawm tulai chu a boruok fe dan a dang. Vawizan khan City hi Champion tuma inkhel an nia United ruok chu an ni ve nawh.

City hin game 29 khel tain points 66 an hmu ta a, pahnin ah an um meka. Pakhatna Chelsea in game 31 khel ta in points 69 an hmu a. Pathumna ah Liverpool game 30 ah poinps 65 hmuin an um mek. United hi points 51 hmu ta in pasarina ah an um.

Hi result lei hin United boss David Moyes chunga pressure anasa zuol ta em em a. A chunga iem a tlung ding ti chu la hriet ninaw sienkhawm United sungkuo chu anin nui ring a um ta nawh. Hi match a hin City ta dingin Edin Dzeko chun goal 2 a thuna, hun tawptawma Yaya Toure chun goal khat a thun ve bawk. Inkhel ţan ani a minute khat khawm a tling hmain goal a lût nghal. City chun nawr nghalin Nasri shot chun post a fuka, hung bounce kirin, hi ball hi positioning indik em en Edin Dzeko chu chieng takin a pet goal a 1-0 ani nghal. City in game an thunun sunzawma, Silva le Dzeko hai khawmin chance an nei nuol. United khawmin 1st half tawptawma haiah chance an nei ve a. Ana chu goal an thun thei nawh. 1-0 in 1st half a tawp.

2nd half a khawm City bawk an khelţha lema. Kawng iengkima United players haiin an phak nawh. Fellaini in Zabaleta a kieuin a chuka yellow card cho a hmu kha chu vangneitak a nih. 56 mins ah Dezo bawkin goal thun nawkin City chun 2-0 in hma anţhuoi tah. Hi zo khawm hin United game an dik thei nawa. Joe Hart an sukbuoi thei naw ani tak. 71 mins ah Welbeck chun chance a nei ve a, ana chu Joe Hart ta dingin save harsa ani lawm nawh. United game a zuzi deu deu a, hun tawp tawm 90mins ah United beiseina po po suktawp dingin Toure chun goal a thun sa. Milnar in a pass an lo dang piel chun Toure a fuk a. Ama hin tuta season a goal 21 na dingin awlsamtakin goal sirah a pet goal. Hun a tawp meu chu 3-0 laiin City in hnena an chang. 

RESULT DANG:

Arsenal 2-2 Swansea
(Bony 11'Flamini 90'[OG] )
(Podolsky 73'Giroud 74')
Newcastle 0-3 Everton
(Barkley 22'Lukaku 52'Osman 87')

No comments:

Post a Comment