Italian club Inter Milan chun season thar anthawk anni zawm dingin Manchester United Captain Nemanja Vidic chu free transfer in an laklut fel tah thu an puonglang.
Vidic hin thla hmasak khan season thar anthawk Manchester United a suoksan ding thu a lo puonglang ta a. Tuhin a club thar ding Inter Milan le in bieremin, season thar anthawkin Interh hi a zawm ding an tah. A contract sei zawng hi kum 2 niin a kheltam dan zirin kum khat dang suksei thei a nih.
Vidic (32) hin kum 2006 khan Spartak Moscow anthawkin £7m in Manchester United hi a zawma. Player pawimaw pawltak hung niin United ta dingin game 200 chuong lai a khel ta a. Premier league titles, UCL le league cup haia United champion puiin 2010-11 season anthawk khan Captain hiel a hung ni ta a nih.
Sienkhawm kum liem ta haia khan hliemin a tlakbuok ve zeu zeu ţan a. A kum hai a hung upa ve mek ta bawk le. United hin contract thar an pek nuom ta naw khawm niin an lang. Iengkhawm nisien Vidic chu season thar anthawm Seria A tieng ei hmu ding an tah.
Hmartoday Sports hi Hmar ţawng hmang haiin ei ţawng ngeia khawvel infiemna chanchin ei hriettheina dinga buotsai ania. A bikin football tieng thlur bik deu ning ata. Sports item dang hai khawm post zing tho ning a tih. Chun eini mi Sports tienga hlawtling ta hai le hma eng nei ţha hai chanchin khawm suklang ning a ta. Ei hnamin sports tienga hma ei sawn nawk zuol theina dingin theitawpa media tienga hmalak hi kan thiltum tak laia pawimawtak pakhat a nih. Twitter@ twitter.com/HmartodaySports
No comments:
Post a Comment