Monday 31 March 2014

Liverpool in title inchu boruok kan ngam ka ring : Brendon Rodgers


The Reds hai chun Tottenham 4-0 laiin an khelmuol Anfield ah chawlni zan an lo sawp a, chu le inzawm peiin inkhel ding vawi 6 an la nei haia an hrat vawng thei chunk um 24 hnunga a vawikhatna dingin an champion nawk thei ding a ni leiin Anfield a chu phurna a sosang nasa ta hle.

Liverpool hin an hmaa inkhel ding la um haia title la tum ve club pahni Chelsea le Manchester City hai an lan khelpui ding a nih a, chu thu le inzawm chun pa inngaitlawm tak el Brendon Rodgers chun a ngaidan le a hmullawk dan hai a lo hril.


Rodgers chun, “Ka lo thlir lawk diem tah a, ka hmu dana chu title inchu boruok rik tak hi player haiin an pal tlang zo ka ring a, chu chu kan nuom tak a nih, huoisenna le inkhel hi. Tottenham laka khan game kha kan khel ṭha em em a, kan thil tum le kan phak chin a lo insang vieu ta khawm ning a tih. Inkhel boruok hadam taka hip theina dingin ṭhang kan lak hlak a, player haiin kan hrat naw chun kei thiemnaw ka chang ding ti an hriet lei hin an ṭhang nasa ve em em a, kha lei khan Spurs laka khawm kan hrat thei a nih.”

A neitu infuk naw lei a club tlusie mek Liverpool hung kei tho nawk theitu Brendon Rodgers hi premier league a manager lai chu miin ngai ropui bek naw hai sien khawm, a thil thaw hang thlir chet chet a hang sui chet chet chun, manager ṭha tawp a ni tin aw ruol a ni nawh.

Liverpool hin title an lak thut el ta di’m maw?

No comments:

Post a Comment