Saturday 15 March 2014

Villa Park ah Chelsea anin tawlthlu

Premier League hmaţhuoitu Chelsea chun Villa Park ah Aston Villa an va lutchila. Beisei lo takin muol neitu Aston Villa chun 2nd half ah Fabian Delph goal khat thun hmangin 1-0 in Chelsea anlo hne. Hi match a hin Chelsea tieng mi pathum coach rawiin hnawtsuok an nih.

Hi match a hin 1st half ah a tu tu khawmin goal chance ţha an nei naw a. Chelsea hin ball possession hau lem hai sienkhawm an nuom angin an nawr thei nawh. Matic goal thun chu hand ball leiin pawm ani naw bawk.

2nd half a khawm Chelsea bawkin possession hau lemin an nawr nasa lema. Goal ruok chu an thun el thei bik nawh. Villa khawmin ball an chang suna an nawr ve nasa thei hle. 68mins ah Willian chu 2nd yellow card hmuin hnawtsuok ania. 82mins ah Fabian Delph chun mawitakin goal hung thunin Villa chun 1-0 in hma anţhuoi. Hi zo char khawm hin Delph chun crossbar an dengtir. Chelse player Ramirez chu hun tawptawm 90+4 ah El Ahmadi a keithlu leiin hnawtsuok nawk ania. Hi thutlukna hi Mourinho chun ngaithei loin field sunga lut a tuma. Refree chun ama khawm stand ah a tir tung. Hun tawpzui nghalin Villa chun 1-0 in Chelsea an hneban.

Chelsea hi tuhin EPL ah points 6 in hma la ţhuoi hai sienkhawm Manchester City nekin match 3 laiin an khel rawn lem ta a nih. Premier League title race hmunuom a um deu deu an tah.

RESTLE DANG:
Everton 2-1 Cardiff
Fulham 1-0 Newcastle
Southampton 4-2 Norwich
Stoke 3-1 West Ham
Sunderland 0-0 Crystal Palace
Swansea 1-2 West Brom.

No comments:

Post a Comment