Sunday 6 April 2014

Arsenal chun Everton hne loin Champions League khel dingin an hmabak ankho hle

Premier League title race hmunuom a um ang bawkin top 4 ni tuma inbeina khawm hmunuom a um ta hle a. Vawizan khan Arsenal chun Goodison Park ah Everton an va hluokhuma. Khelmuol neitu Everton chun goal thum an loin ba.

Hi result lei hin Arsenal chun Chmpions League khel an tumna kawnga harsatna nasatak an tuoka. Season thara Champions League khel dingin an hmabak ankho hle. Arsenal hnetu Everton hi tuta season hin beisei phak bakin an khelţha a. Season thara Champions League khel dingin an ngirhmun a ţha ta hle a. An kut lieu lie a in nghat an tah. Tuhin table ah 5 na a umin game 32 khel tain points 63 an hmu ta a. Arsenal hi palina ah umin game 33 khel tain points 64 an hmu ta bawk. Game 5/6 cho khel ding la uma hin a chetţhat le ţhat naw in thu a phu hle ding a nih.

 LINE UP : Everton: Howard, Baines, Distin, Stones, Coleman, McCarthy, Barry, Osman, Naismith, Mirallas, Lukaku Subs: Robles, Hibbert, McGeady, Deulofeu, Barkley, Garbutt, Alcaraz Arsenal:Szczesny, Sagna, Mertesacker, Vermaelen, Monreal, Arteta, Flamini, Rosicky, Cazorla, Podolski, Giroud Subs: Viviano, Jenkinson, Bellerin, Kallstrom, Oxlade-Chamberlain, Ramsey, Sanogo Hi match a hin Everton an chunghnung hle a. Kawng iemkima Arsenal in an phak nawh. Inkhel ţan ani anthawk 14 min na ah Naismith chun goal hung thunin Everton chun hma anţhuoi nghal. Everton chun nawr sunzawm zingin Arsenal defence hai ta dingin Lukaku a hnawksak hle. 34mins ah Lukaku chun goal hung thun vein 2-0 in 1st half ah awlsam takin hma anţhuoi. Inhliem Osman thlaktu Barkley khawm a khelţha hle a. 1st half a hin Arsenal in chance ţha an neinaw hle.


2nd half a khawm Everton bawk an khelţha nawk lema. Arsenal game a buoi takzet. Goal thun ve thei ding khawmin an khel nawh. Hun sawttak inhliem leia chawl tah Ramsey chu Arsenal player khelţha pawltak a nih. Everton chun an khelţhat man lawmman hmu nawkin 61mins ah Arteta chun antieng suklut palin Everton chun 3-0 in hma anţhuoi. Hi goal lut na ding hin Mirallas a thawhlawk hle. Goal dan lut ta loin Everton chun harsalo takin Arsenal chu 3-0 in an hne.

No comments:

Post a Comment