Tuesday 15 April 2014

Khawvel Sports team hai lai Manchester City chu players hai hlaw a seng rawntak niin top 1 ah an um

The Global Sports Salaries Survey (GSSS) in survey an thawna ah Premier League Club lien Manchester City chu khawvel ah Sports team hai lai players hlawa seng rawntak niin average in kum khata player pakhatin £5.3m lai an hlaw a. Kar khatah mipakhatin £102,653 vel pei an hlaw ang a nih. Pui tak chu a nih.

Top 20 a hin Premier League Club 5 lai an uma. Premier League title la tuma bei mek Liverpool hai chu top 20 na char niin mi pakhatin kum khatah £3.4m pei an hlaw ang a nih. Manchester United chu 8 na ah umin mi pakhatin £4.3m pei hlaw ang an ni a. Champions League semi finalist Chelsea hai chu 10 na ah an umin mi pakhatin £4m an hlaw kai vanga. Arsenal chu 11 na ah an um ve thunga mi pakhatin £3.9m an hlaw anh an bawk.

American baseball team pahni New York Yankees and the LA Dodgers hai le Barcelona, Real Madrid hai chu top 5 a un an nia. Bayern Munich khawm op 10 ah anin lang bawk.

Manchester City hi Seikh Mansour in kum 2008 a an chawk hma khan chu kum khatah players pakhat hlaw in  £1.5m vel cho an senga. Ana chu an chawk anthawk kum 6 hnunga chu an player hai hlaw a letthum deu thawin a pung tah a nih.
City neitupa Seikh Mansour

The Global Sports Salaries Survey (GSSS) hin field sunga anin khelna a an sum hlw suok cho an tiema. Advertiament le hildang neu neu hai kha an tiemsa nawh.  Rambung 12 anthawkin League 15 hai anhawkin team 294 survey an thaw a nih. Hieng team hai hi sports chi hreng hrang 7 anthawk niin Football, Baseball, Basketball, Gridiron, Cricket, Ice Hockey le Aussie Rules Fooball hai an nih.

League hrin hrim a chu NBA hi khawvelah players hlaw a seng rawntak an nia, team 30 umin kum  £2.98m an senga. Football league ah chu Premier League hi pakhatna niin kum khata average a lakin player pakhatin    £2.27m an hlaw nih.

No comments:

Post a Comment