ICC World T20 tukum a nei a hin rambung 10 an inkhel a,
Group hnia ṭhe in an um a, Group 1 a hin Sri Lanka, South Africa, New Zealand, England,
Netherlands hai an umkhawm a. Vawi khat sengin an ineltuo seng zo chun rambung
pahni Sri Lanka le South Africa chu Group 1 a inthawk semi final an kai a nih.
Group 2 a hin India, West Indies, Pakistan, Australia le ICC
World T20 latu Bangladesh hai an umkhawm ve a, vawikhat senga inkheltuo in,
India le West Indies chu Group 2 a inthawk semi-final an kai a nih.
ICC World T20 khel mek a a vawrtawp tieng ei hnai ei a,
semi-final hmasa lem April ni 3 zan khan nikuma final a intawng hai Sri Lanka
le West Indies hai an intawng nawk a, hi inkhel hi Mirpur hmuna nei niin,
vangduoitlak takin ruo a sur leiin inkhel hi suk tawp a nih.
Hi inkhel a hin Sri Lanka chun run 159 an siem a, West
Indies in hung hnawtin, overs 13.5 a run 80 hmuin wickets 4 an chan a. Inkhel
laklaw lai tak ruo a hung sur leiin inkhel sunzawm thei a nit a nawh a. Hi le
inzawm hin D/L method hmang a ngai tah a nih. D/L method dungzuiin West Indies
chun runs 27 zet an lo bak leiin Sri Lanka in hratna an chang ta a nih. Sri Lank in final a an intumpui ding chu vawisun India le South Africa hai semi-fina 2 a inkhel ding a hrat lem lem hi ning an tih. India le South Africa hai hi vawisun dar 6;30 (IST) in inkhel an tih.
Man of The Match: Lasith Malinga
No comments:
Post a Comment