FTB Pro
haiin an buotsai, footballer tlan hrat dan izir a an position chet a remin mi
11 an thlang suok chu hieng hai hi an nih.
Formation: 4-3-1-2.
1. Gk: Joe
Hart (Man City)
Goalkeeper
hai hi an tlan kawlawn bek naw leiin an tlan hrat dan hriet an take m em a,
Manchester derby inkhel ṭuma second tawpna tak a United haiin an hung counter attack lai a United hai goal tieng a
inthawk a goal vengna tieng a hei tlan
phei kha ei hmu chun a tlan hrat zie ei hriet tlang seng ring a um.
2. RB: Ignazio Abate (AC Milan)
A tlan hrat zie an hriet china inthawk hin
hi Italian mi hi AC Milan a regular takin Starting XI ah an inṭhangtir ngat tah
a nih. Pa len bek ni naw sienkhawm a position a ding hin chu ama tluk a tlan
hrat um chie naw ni hai.
3. CB: Marvell Wynne ( Colorado Rapids)
Khawvel footballer a chu ama tluk a tlan
hrat hi an um naw hiel ring a um, second 10.39 sungin metre 100 a tlan thei ngat a nih.
Amiruokchu hi defender tlan hrat em em kum 27 chau a upa hi Major League Soccer
a Colorado Rapids ta dingin an khel a nih.
4. CB: Thiago Silva (PSG)
A hre naw ramsam um naw mei nih. Hi Brazil
mi kum 29 a upa hi euro 42 million lai zet senga PSG haiin an inchawk ngat kha
a nih. A thiem a, a var a, chu naw el khel a tlan a hrat em em lei hin a ṭhatna
a suk zuol hle a nih. Tukum world cup a khawm Brazil hai thla suk muongtu a
ni ngei ring a um.
5. LB: Gael Clichy (Man City)
Hi French mi kum 28 a upa hi inhliemna a nei
a dam zo khawmin khawvel defender a chu a tlan hrat pawl a la ni zing tho a
nih. English Premier league inkhel en hlaktu hai chu a tlan hrat zie le side a
cover hne zie chu hretu hai ni seng ei tih.
6. LM: Gareth Bale (Real Madrid)
25 miles per hour a tlan thei ngat, record
breaking fee a Real Madrid haiin euro 100 millons lai zet a an lak lut hi a
tlan hrat zie chu inhmai ruol lo a hmu theiin a um. Thil pawi bek bek pakhat
chu an rambung world cup ah an inlang phak ve ngai naw hi a nih.
7. CM: Ramires (Chelsea)
A pum en chun pa kawr tak el a nih a, pa tehre
taluo ni naw sienkhawm tlan hrat taluo ding chun ring a um bek nawh. Chelsea
hai counter attack neina a chu a ṭangkai pawl tak a nih a, tukum world cup a
khawm Brazil ta dingin an khel ve ngei beisei a ni bawk. CM a khel hai lai chu a tlan hrat pawl a ngai a nih.
8. RM: Theo Walcott (Arsenal)
Kum 14 mi chau a ni lai khawm a metre 100
second 11.52 sungin a tlan tlung zo ngat a nih. Arsenal le England ta ding a
player pawimaw em em hi inhliemna leiin hmu naw chang a tam thei hle a, mitinin
an khel hmu inhawi ei tiin a tlan hrat zie khawm ei hmu tlang seng hlak ring a
um. Tu kum World Cup ding a khawm England ta ding a player pawimaw pakhat a ni
ve a nih.
9. ACM: Cristiano Ronaldo (Real Madrid)
Ballon dOr dawngtu ni mek hi Atletico Madrid
le an inkhel ṭum kum 2012 khan second 10 sung chauin metre 96 lai a tlan hman
a, Portuguese mi kum 29 a upa hi a thiem zie le a ṭhatzie chu hril sei bek
khawm a ṭul nawh a, a ṭhangna team team, an khelna league a hai, rambung le
club ta dingin a khelna taphawta vul naw lai a nei nawh. Inlak fit a taima em
em a, nitin push up vawi 1000 chuong a thaw zie hlak a, practice an nei pha
khawm a fe hmasatak le a nei sawt taka a ṭhang zie hlak a nih.
10. 10. ST - Pierre Emerick Aubameyang
(Borussia Dortmund)
Hi kum 24 mi French-Gabonese striker hi second
3.7 sungin metre 30 zet a tlan hman a, hi le enkhi chun Usian Bolt in kum 2009 a Berlin hmuna 100 m race a record a nei nekin a tlan hrat lem a nih, Dortmund a a khel
ṭan a inthawk vawi 17 inkhel ta in goal 10 a thun ve ta bawk a nih.
11. ST: Gabriel Agbonlahor (Aston Villa)
Kum 26 a upa Aston Villa striker hi premier
league a chu a tlan hrat pawl tak a nih a, second 10.98 sungin metre 100 a tlan
hman a nih. Inliemna lei season hni liemta khan chu a hmel ei hmu taluo bek
nawh a, kum 2005 kum a Aston Villa a lut a inthawk Premier league a Villa ta
dingin goal 66 lai zet a thun vet ah a nih.
No comments:
Post a Comment