Wednesday 11 June 2014

I lo hriet ta hlak am . . . ?

 (World Cup Special)


 1. 2014 World Cup hi Bosnia and Herzegovina haiin an khel phutna ding a nih. 

2. Zinedine Zidane (2006), Karl-Heinz Rummenigge (1986) le Wolfgang Weber(1966) hai pathum hin World Cup final ah goal an lo thun seng ta a, ana chu a hrat naw tieng vawng an nih. 

3. German player Lothar Matthaus hi World Cup ah game khel rawn tak niin 1982 anthawka 1998 inkar khan game 25 a khel a nih. 

4. Tukum World Cup a England player 23 hai lai hin Steven Gerrard char hi World Cup a goal thun thei umsun a nih. 2010 khan Lampard in Germany laka goal a thuna chu vangduoi thlak takin referee in a hmu naw a, pawm lo a nih. 

5. 1986 World Cup kha Colombia a in nghat ding ani a. Sienkhawm anin hnukdawk leiin Mexico rama in nghat a nih. 

6. Brazil hai hi World Cup zata la ţhangkim vawng umsun an ni a (Vawi 19 ah vawi 19 an ṭhang) . Germany(West Germany tiemin) le Italy (vawi 17 ve ve) hai khawm hi World Cup ţum hni a cho an ţhang nawh. 

7. 2010 World Cup khan New Zealand char hi hne lo nei lo an nih (0 win, 3 draws, 0 defeat). A dang hai chu vawikhat bek an hrat naw seng. 

8. Mexico hi World Cup vawihni mikhuol thei hmasatak rambung an nih. Kum 1970 le 1986 haiah khan an lo mikhuol. 

9. World Cup a champion ta si final match la hrat naw ţhak lo hai chu England, Spain le Uruguay hai char an nih. 

 10. World Cup final ah player hnawtsuok mi 5 an um ta a, chuong hai chu Johnny Heitinga (2010), Zinedine Zidane (2006), Marcel Desailly (1998), Pedro Monzon (1990), Gustavo Dezotti (1990) hai an nih. 

11. Pele hi World Cup vawithum dawm thei player umsun a nih. 

12. Franz Beckenbauer (Germany) le Mario Zagallo (Brazil) hai hin player anni lai le manager an ni laia World Cup dawm thei umsun an nih. 

13. Kum 2010 World Cup a khan Diego Forlan chu player of the tournament a thlang niin golden ball pek a nih.

14. Spain hin World Cup ah team dang nekin penalty an hmu rawn taka, vawi 17 lai an hmu tah.

15. Kum 1999 anthawk khan Netherland hin International match an khel zatin an players hming pakhat bekah 'Van' ti ala thang vawng.

16. Zani zana Van Persie head goal kha 17 yards a hla ani a. Kum 1970 hnunga World Cup ah lu hmanga goal thun laiah a distance a la sei tak.

17. Kum 2010 World Cup sung khan Spain in goal 2 char anin suo a. Kum 2014 World Cup an match khatna ah goal 5 anin suo.

18. Spain vs Netherland kha World Cup history ah a vawikhatna dingin, finalist nuhnungtak hai group match hmasataka anin tawk nawk vawikhatna a nih.

19. Van Persie hi European World Cup qualifying round a khan goal 11 thunin top scores a nih.

20. World Cup 2014 opening match a goal hmasatak kha own goal ani a. Brazil defender Marcelo in Croatia leh anin khel lai antieng a thun a nih. Kha kha World Cup history ah opening match a goal lut hmasatak own goal ani phutna nih.

No comments:

Post a Comment