In lo hriet ta hlak am?

1.FC Barcelona in march ni 26, 2014 a Celta Vigo an hne kha kum 1929 kuma La Liga inṭana inthawk vawi 1000 an khelmuola hratna an changna char a nih.

2. Europa League 2005/06 final a Shakter Donetsk le Rapid Bucuresti in final an khel ṭuma club pahni hai coach kha pa fa an nih. Mircea Lucesu chun a pa Razvan Lucesu club enkawl chu hnebanin Shakhtar Donetsk chu hratna a changpui a, inkhel zo press conference a khan apa chun a naupa cu lawman mitthli le a fawp ngawi ngawi hiel a nih.

3. England mihrang Peter Shilton chu goalkeeper lai popo a inkhel rawn tak niin vawi 1005 an khel a nih.

4. March ni 25, 2014 a Manchester derby a Rooney an khel kha vawi 600 inkhela a ṭhangna char a nih. Kha inkhel a Edin Dzeko in inkhel sung second  44 chau a nia goal a thun kha Manchester derby goal lut inrang tak record a nih.

5.Champions League final a Red Card hmu hmasatak chu Arsenal keeper hlui  Jens Lehmann kha a nih. 2005/06 Season final a Barcelona le Arsenal inkhel a Red Card a hmu kha final a red card hmu hmasatak a ni ṭum a nih.

6. Lionel Messi hin el classic goal 21 a thun tah a, Real Madrid hai home a vawi 12 a thun tah a, an ni khelmuol a vawi 9 a thun ta bawk.

7. Real Madrid hi Champions league a azawna game vawi 33 goal thun zie thei hmasatak an nih.

8. Manchester United hin season hmasa pathum liemta haia an khelmuola an hratnaw po belkhawm nekin tuta season a an hratnaw hi a tam lem. (5>4)

9. Tuta season Andrea Pirlo in Juventus ta dinga goal 5 a thun hai hi free kicka inthawk  ngawta a thun a nih.

10. Arsenal le Real Madrid chau hi 2003/04 season a inthawk a season tin Champions League knock-out stage kai thei an um.

11. Champions League history a a vawikhatna dingin tuta season a  group tina hmaṭhuoitu po chu quarter final an kai seng.

12. Champions League a game 7 inzawm zara goal thun thei umsun chu C.Ronaldo chau hi a la nih.

13. Man City in Champions League history a hratna an lo chang tahai po belkhawm nekin David Moyes hin tuta season Man Utd manager a ni hin Man Utd hratna a changpui zat a tam lem.

14. Chelsea hin premier league a vawi 127 lai zet 3-0 a hma an ṭhuoi hmasa tah a, chulai chun vawikhat char an hum zo nawh a, chu ṭum chu Feb 2012 a Manchester United le 3-3 a an in draw kha a nih.

15.Tuta ṭuma champions league a inkhel thei a naupangtak chu  Arsenal player Gedion Zelalem ( kum 17, dob-26,jan 1997) a nih a, a upatak chu Chelsea keeper Mark Schwarzer (kum 41, dob- oct, 6, 1972) a nih.

Bundesliga Champion: Bayern Munich

Game 7 inhnel ding la um sienkhawm, game 27 inkhel a points 77 an hmu a, pahninaa um Dortmund in game 27 a point 52 hmu in phak thei ding ngirhmuna an ngir ta nawh a.. Bayern Munich chun bundesliga title chu an lo chawi nawk tah a nih.

Bayern Munich record siem thenkhat:-

7- Season hmasa khan game 6 khel ding an la neiin title an lak a, tuta vel ruok chu game 7 khel ding an la neiin title an lak, record thar an siem.

10- Away match an khel nuhnung vawi 10 a hai khan hratna an chang vawng a, an record lo siem vawi 9 azawna an hrat chu an khum tah a nih.

19- An game nuhnung vawi 19 haia hratna an chang vawng a- Bundesliga record thar a nih. Record hmasa vawi 15 kum 2005 an lo siem tasa chu an ni vekin an khum.

19- Game tina goal 2 annaw le a neka tam game 19 inzawm zara an hrat sung khan an thun zie.. League record thar a nih.

24-Bayern Munich in bundesliga vawi 24 an lakna a ni tah.

Germany le West Germany a mi tiemkawp chun. 25- Bayern chun Bundesliga a tuta season vawi 25 an hrat tah a. Record hmasa vawi 29 season hmasa a an siem kha an khum thei ngei ring a um.

25 March- Bayern Munich chu league title season tawp hmaa la inhma tak nina march ni 25 khan an lo chang tah. An record nei hmasa April ni 6, nikuma an siem chu an khum nawk tah a nih.

27- Bayern chun tuta season trana inthawk game 27 an khel ta po a an la tlawm der nawh a. Record thar a nih. Bayer Leverkusen in game 24 zet season 2009-10 laia an lo siem chu an khum tah a nih. Europe top 5 league a AC Milan in game 58 sung tlawm lo a an um chu khum thei ding ngrihmuna an ngir mek a, Bayern Munich hi game 52 sung Bundesliga a la tlawm der lo an la nih.

27- Bayern manager Pep Guardiola hin bundesliga a a game hmasa 27 haia ala tlawm der nawh a. Kaiserslautern' s Karl-Heinz Feldkamp (1978-79) lai a record neisa vawi 14 chu a khum chieng hle.

77- Bayern hai hin points 77 an nei mek a, season khata point hmu rawn tak record ngirlai chu point 91 anni vekin season hmasaa an siem kha a nih a. Tuta game 7 an la nei ahai hin hratna an chang vawng chun season tawp a point 98 nei thei an tih.

79- Tuta season sung goal 79 an thun tah a, goal 23 dang an la thunsa chun season 1971-72 laia goal 101 an lo thun tasa record chu an khum ding tina a nih.