Palace beiletna Liverpool in an dang zo nawh; Title an beiseina a thamral.

Vawizan zansawt hnung khan Premier League match pawimaw em em khel ani a. Title la tuma bei mek Liverpool chun Crystal Palace khelmuol Selhurst Park ah an va leng lut a. Liverpool hin goal 3 a hma an ṭhuoi zet hnungin Palace beiletna dang zo loin goal 3 anin suo ve nawka, goal 3 ve ve inpein anin hnetawk.

Hi result lei hin Liverpool chun premier league title an beiseina kawngah harsatna namenlo an tuoka. Anin elpui tak Manchester City ta dingin chance a ṭha chungchuong ta hle. Tuhin Liverpool in game 37 khel tah in points 81 hmuin hma anṭhuoi meka. Pahnina ah Manchester City umin points 80 an hmu ve mek bawka. Liverpool nek hin game 1 in an khel tlawm lem a. City hi an game la khel ding pahni haia hin hnena an chang ve ve chun premier league champion an ni ding a nih. Liverpool hin game khat khel ding an la nei bawk.

Hi inkhela hin awlsam takin Liverpool hi an hrat lem dinga beisei ani a. Manchester City leh an goal difference khawm an suktlawm zung zung dinga an lai 2nd half tawp tawmin football ropuina suklanga umin Palace in Liverpool points 3 hmu ding an dangchat. Inkhel ṭan ani a, Liverpool chun theitawp suoin an nawr nghal a chance khawm an nei zeu zeu. 18mins ah Allen chun Gerrard corner anthawk head goalin 1-0 in Liverpool chun hma anṭhuoi. Hi zo hin Crystal Palace chun an hung nawrlet ve a chance khawm an nei ve nuol. Liverpool chun 1-0 a hmaṭhuoi in 1st half a tawp.

2nd half bultieng hin Liverpool an khelṭha nawk hle a. Sturridge chun shot ṭhatak a nei a Speroni ropui takin lo save in post ah a nam per. Hi zo sawtnawte hnungah 53mins a Sturridge bawkin chance nei nawkin goal a hung thun. Hi zo 55mins ah Suarez chun Sterling leh mawitaka anin pass hnungin goal a thun a tuta season ah a goal 31 na char a nih. Crystal Palace chun hung nawr vein 25 yards anthawka Delaney shot chu an lo dang pleu a, Mignolet banphak lo char charin a goal. Palace game a ṭha ṭana huntawp tawm 81 le 88mins haiah substitude Gayle chun goal hung thunin 3-3 in anin hnetawk.

Hun a tawp meu chu Crystal Palace players hai an lawm vieu laiin Liverpool players hai chu title lak an tumna kawngah beiseina an nei tlawm ani ti in hriein mitthli leh anin sawp.

Hmar Martyrs' Trophy

11th Hmar Martyrs' Trophy 2nd May 2014 result » V.L Ruata Memorial FC 1-0 Zeal Sports Club

Khawmawi FC 0-6 FAST (Rengkai)

Photo Credit - Kenneth Hrangchal

11th Hmar Martyrs' Trophy Result (1/4/2014)

11th Hmar Martyrs' Trophy FULL TIME RESULT : B.Aijalon SC 7-0 OGGY

YCP 3-3 BETHEL Y/C

Photo Credit - Kenneth Hrangchal

Real Madrid chun Bayern Munich hnein Champions League final anin hlangkai

Real Madrid chun Sergio Ramos le Ronaldo hai goal thun hmangin Champion lai Bayern Munich chu 4-0 (Aggregate 5-0) a hnein kum 2002 hnungah a vawikhatna dingin ropuitakin Champions League FINAL anin hlangkai. Real Madrid hi vawizana inkhel ding Chelsea le Atletico Madrid hai a hratlem lem leh thla tharah Lisbon ah final khel an tih.

Ei hriet angin tulai football khawvelah chu Bayern Munich hi team ṭha pawltaka ngai an nia. Season hmasak khan semi final ah Barcelona chu 7-0 laiin an hne a. Sienkhawm vawizan chu khang ang deua hnein an um ve ta a nih.

Hi inkhela hin Real thiempuipa Ronaldo chun tuta tournament fe mekah a goal 16 thunin Champions League ah season khata goal thun rawntak a siema. Messi record siem season khatah (14 goals) chu a khûm tah.

1st leg a khan Real Madrid hin Bayern hi 1-0 in an lo hne tah a. Hi lei hin beiseina insangtak leh Munich khawpui Allianz Arena an pana. An beisei phak baka insang result hlawsuokin ropuitakin final anin hlangkai. 

Inkhel anṭan a, Neuer chu Gareth Bale a khilai ṭep nghal. Neuer a ball clear chu Bale hmaah a tla a, Bale hin goal ah shot nghalin a over hlau. Real goal thunna dingin hun a lak sawtnawh. Hi zo sawtnawte hnung 16mins na ah Modric corner pet anthawkin vengtu neilo a um Ramos chun a head goal a Real chun hma anṭhuoi nghal. Minute 4 hnungah Di Maria cross chu Pepe'n inhmawtakin Ramos a pek phei a, ama hin dive malam in a head goal a 2-0 in Real chun hma anṭhuoi. Bayern chun hung nawr vein ana chu iengtak an law thei nawh. 1st half ah hin ball possession hau lem hai sienkhawm chance an neinaw hle a. An attacking in umzie a nei thei meu nawh.

32mins ah Ronaldo chun Bale pass anthawk awlsam takin goal thun nawkin 1st half ah 3-0 in hma anṭhuoia, aggregate leh 4-0 in hma anṭhuoi. Bayern ta ding chun beisei an sang ta naw hle. 38mins ah Alonso chu Bastian Schweinsteiger lakah a foul leiin yellow card pek ani a, final ah a khel thei naw ding a nih. Hi hi inkhel sung po po a Real Madrid ta dinga chanchin ṭhanaw pawltak chu a nih.

2nd half hi ringlawk ang ngeiin 1st half angin hmunuom a um ta nawh a. Bayern hai khel dana an lung a hnuol deu tah niin an lang. Robben le Riberry haiin half chance anei an hmang ṭangkai thei nawa. Gotze khawmin chance ṭha a thel bawk. Hun tawptawm 89mins ah Ronaldo chun Bayern phurrik hung siem sain Champions League ah a goal 16 na dingin freekick anthawkin goal a thuna 4-0 in Real Madrid in hnena an chang.

Final ah Real Madrid vs Chelsea am Real vs Atletico Madrid i hmunuom lem?