Brazil World Cup 2014 stadium thlirna

Maracana Stadium

Arena Fonte Nova

Arena de  Baixada

Khawvelin a tung le a nghakhla em em "the greatest show on earth" ti hiela an i ko FIFA World Cup chu ei nghak dawk teu ta hle a. Ei hma el ah June ni 12 hin an khel tan ding an ta a. FIFA World Cup khelna ding Brazil ramsunga khawpui hrang hranga stadium hai hi i lo hrietchieng tawl ta am. . .? I lo la hrietchieng tawl naw ani khawmin lungngai naw rawh. Hmartoday Sports chun i ta ding lieu lieu in a hung sawpsuok a nih.
Brazil World Cup 2014 hi khawpui hrang hrang 12 ah khel ning a ta. Hieng khawpui haia hin stadium pui tawk tak pakhat senga khel ning a tih. Hieng stadium le an umna khawpui hai chu hieng a hnuoia hai hi an nih.

1. CITY: Rio de Janeiro
STADIUM: Maracana (capacity 73,531)
HOME TO: Fluminense FC and CR Flamengo.

Maracana stadium hi Rio de Janeiro khawpuia um niin World Cup final khelna hmun ding a nia. A umna khawpui hi Brazil khawpui laia chu a mawi pawl tak khawm ni ngei a tih. Khawvel thilmak laia ţhang phak Christ the Redeemer umna ngei kha a nih. Maracana stadium a hin kum 1930 World Cup final kha khel a lo ni ta a. Kha ţum khan mi 20,0000 in a hmuna an lo en ta nghe nghe. Tukum World Cup ding lei hin hi stadium hi cheiţhat a nia. Nikum June thla khan official taka hawng a lo ni tah.

2. CITY: Sao Paulo
STADIUM: Arena Corinthians (capacity 65,000)
HOME TO: Corinthians.

Arena Corinthians stadium hi World Cup opening ceremony neina hmun ding le opening match khelna hmun ding ania. Sienkhawm nikum November thla tawp tienga stadium bawlna crane chima sinthawtu pahni an thi lei khan sawiselna nasatak a tuok mek. Ana chu World Cup hung chu thrataka zofel hman beisei a nih. A umna Sao Paulo khawpui hi Brazil football piengna hmun tia hriet a nih.

3. CITY: Brasilia
STADIUM: Estadio Nacional Mane Garrincha
(capacity: 68,009)
HOME TO: Brasília Futebol Clube.

Estadio Natcional Mane Garrincha stadium hi Brazil capital Brasilia khawpuia um a nia. World Cup ding leia bawl thar a nih. A hming hi kum 1950-60s lai bawr vela loin lar tah Brazillian footballer hranghlui Garrincha hming chawia sak a nia. 2013 Confederation Cup quarter final khawm kha hi stadium a khel a nih.

4. CITY: Fortaleza
STADIUM: Estadio Castelao (capacity: 58,704)
HOME TO: Ceara SC&Ferroviario AC.

Estadio Castelao stadium khawm hi World Cup ding leiin nasa taka cheiţhat ania. Hi stadium a hin Brazil chun an group match pahnina khel an tih. A umna khawpui Fortaleza hi Brazil ram hmarsak tienga um ania. Khawpui inhawi ve tak chu a nih.

5. CITY: Belo Horizonte
STADIUM: Estadio Mineirao (capacity: 57,483)
HOME TO: Cruzeiro Esporte Clube

Estadio Mineirao stadium khawm hi World Cup ding leiin nasataka chei ţhat ania. Confederation Cup khelna a khawm khan hmang a lo ni ta a. Tukum World Cup semi final pakhat lem chu hi stadium a khel ning a tih. Brazillian legend Ronaldo khan Cruzeiro Esporte Clube ah a career bul a ţan tirin hi stadium a hin a lo khel hlak. A umna khawpui Belo Horizonte hi Rio anthawkin flight in darkarkhat tlinglo vuong a nih.

6. CITY: Porto Alegre
STADIUM: Estadio Beira-Rio (capacity: 48,849)
HOME TO: Sport Club Internacional

Estadio Beira-Rio stadium hi kum 1969 kum khan hawng a nia. Tukum World Cup ding lei hin cheiţhat anih. Hi stadium hi Guaiba vadung panga um niin World Cup group match khel na a hmang ning a tih.

7. CITY: Recife
STADIUM: Arena Pernambuco
(capacity: 44,248)
HOME TO: Nautico

Arena Pernambuco stadium khawm hi tukum World Cup ding leia bawl thar niin. Kum 1950 World Cup final kha hi stadium a khel a nih. A umna khawpui Recife hi Brazil ram hmarsak tuipui kama um ania. Hi khawpui hi Brazil economy ah a pawimaw hle bawk.

8. CITY: Salvador
STADIUM: Arena Fonte Nova
(capacity: 52,048)
HOME TO: EC Bahia&EC Vitoria.

Arena Fonte Nova stadium hi World Cup ding lei bawl thar ania. Nikum May thla khan a chung ţhenkhat ruo sur nasat leiin a chima, sienkhawm thi le hliem an um naw hlau. Hi stadium hin tournament sunga match ruk khelna a hmang ning a tih. A umna khawpui Salvador hi Brazil Capital hmasatak a nih.

9. CITY: Cuiaba
STADIUM: Arena Pantanal (capacity: 42,968)
HOME TO: Cuiaba EC&Mixto EC.

Arena Pantanal Stadium hi tukum World Cup khelna ding bika bawlthar ani a. World Cup match pali khel an tih. A umna khawpui Cuiaba hi Amazon rainforest sim tieng panga um niin a boruok hi a up hle bawk. Hi khawpui hi national park tamtakin an huol vel lei hin "green city" ti damin an ko bawk.

10. CITY: Manaus
STADIUM: Arena Amazonia (capacity: 42,374)
HOME TO:Nacional FC Fast Club & Rio Negro

Arena Amazonia hi kum 1970 a bawl niin kum 2009 khan suoksiet ania. World Cup ding leia bawlthar nawk a nih. A design hrim hrim hi Bird Nest stadium, Beijing le khawm khan inangnatak khawm an nei. Nikum 14th December khan sinthawtu pakhat chu a chung anthawkin tla thla in a lo thi tah. A umna khawpui Manaus hi Amazon rainforest lailung laia um niin a June le July thla lai chu a hnawng hle bawk.

11. CITY: Natal
STADIUM: Estadio das Dunas (capacity: 42,086)
HOME TO:America FC.

Estadio das Dunas stadium hlui hi kum 2011 khan suksiet ania. World Cup khelna dinga siemţhat vang anih. A design hi a dangdaiin a mawi hle bawk. A chung hi Petal roof hmanga siem niin World Cup group match pali khel an tih. Natal khawpui hi Brazil hmarsak tuipui kama um a nih.

12. CITY: Curitiba
STADIUM: Arena da Baixada(capacity: 41,456)
HOME TO: Atletico Paranaense

Arena da Baixada stadium hi kum 1914 khan siemzo niin vawitamtak cheiţhat a ni ta bawk. World Cup group match khelna a hmang ning a tih. Curitiba khawpuia hin mihriem 1.8million vel an uma. Brazil economy hmun pawimaw pawltak khawm a nih. Khawpui dang ang lo takin a boruok khawm an hawi hle bawk.
***