Chelsea ta ding a ni inchik tlak Chelsea 4-0 Spurs

London derby inkhel pawimaw em em a, pakhatnaa um Chelsea le panganaa um Tottenham hai an inkhel a, ring bak zetin Chelsea'n goal an thun rawn a, Spurs hai laka an goal thun rawn trum tak a ni nghe nghe a, Spurs laka an record neisa an khum tah a nih. Hi inkhel a hin 1st half a goal a lut nawh a, khelmuol neitu Chelsea hin inkhel an thunun lem deu a, goal ruok chu a khawtieng tieng khawm a lut naw ve ve. 2nd half a hin chu inkhel a dangdai zat tah, Chelsea'n game an thunun ta hle a. Goal hmasatak ruok chu spurs defender Dawson a thawsuol chu Eto'o an chan fuk a, ball la vatin Lloris kalakkara mawi takin a thun. Hi zo minute li hnung a spurs defender Kabuol chun Eto'o chu box sunga a suk tluk leiin Red Card pek a nih, penalty an hmu chu Hazard in mawitakin Chelsea ta dingin a thun. A goal thumna le a goal lina hai hi substitute a hung lut Demba Ba chun inzawm zarin hun tawp tawm pheta a thun a nih. CHELSEA 4-0 TOTTENHAM SCORES : Etoo 56' Hazard 60'penalty Demba Ba 88' 90'. Chelsea hi Spurs laka Stamford Bridge a hin kum 1990 hnung tieng an la tlawm ngai nawh.