PSG chun Leverkusen hnein Quarter final anin hlangkai.

Paris St. Germain chun German club Bayern Leverkusen chu an lo mikhuola. 2-1 a hnein Champions League quarter final anin hlangkai. 1st leg a khan PSG hin Leverkusen hi an khelmuola 4-0 laiin an lo hne ta a. An hnena hi Aggregate chun 6-1 lai a nih. PSG hi Manchester City ang thoa sum hmang nasa an nia. Players khawm an neiţha hle. Tuta UCL fe meka khawm hin Champion dinga beiseium tak pakhat an nih. Vawizana an starting line up khawm kha £227.2m lai a tling. STARTING XI: PSG:Sirigu, Jallet, Thiago Silva, Marquinhos, Digne, Rabiot, Cabaye, Pastore, Cavani, Lavezzi, Ibrahimović. Subs: Douchez, Maxwell, Alex, Camara, Thiago Motta, Ménez, Lucas. Leverkusen: Leno, Donati, Wollscheid, Toprak, Guardado, Reinartz, Rolfes, Can, Sam, Derdiyok, Castro. Subs: Boenisch, Wagener, Hilbert, Lomb, Kiessling, Brandt, Son. Inkhel anţana PSG chun game thunun lem hai sienkhawm 6mins ah mikhuol team in Sydney Sam hmangin goal an thun hmasa a. Hi zo 13mins ah PSG chun Marquinhos hmangin an bat an thunga. PSG chun nawr sunzawm zing hai sienkhawm goal an thun el thei ta bik nawa. 1st half ah 1-1 in anin draw. 2nd a khawm PSG bawkin inkhel an thununa. 53mins ah Argentine forward Ezequiel Lavezzi chun goal hung thunin PSG chun 2-1 in hma anţhuoi. 68mins ah Leverkusen player Can chu yellow card vawihni a hmu leiin hnawtdawk ania. Hun tawp chen PSG hin game an thununa. Ana chu goal dang a lut thei ta nawh. PSG superstar Ibrahimovic khawm a kheltha hle a chu goal a thun thei nawa. A post chu an dentir dawt. Huntawp chen goal lut ta loin 2-1 in PSG an hrata. Aggregate in 6-1 laiin hnena an chang. Bayern Leverkusen hi kum 2002 khan UCL final kaiin runners up an nia. Kha taka inthawk khan vawikhatkhawm quarter final anla kai nawh.