1992 Barcelona Olympic hril nikhuoa a hming sam sa lo thei lo, mipui tamtak mitthli suktlatu, a nuoi telin vawisunni chena an la ngaisang Derek Redmond kha a hre phak chu la um nuol tawl ngei ei tih.Kum 19 mi a ni khan British 400m race record thar siem thei ngat kha a nih a. A thil tum chu Olympic medal pakhat bek awr phak ve hrim hrim kha a nih. 1988 kum a Seoul Olympic a khan a thahrui nat leiin an tlan hma minute 10 velin an hnukkir a. A kum nawk a hai vawi 5 lai sergery an nei hnungin, dam fel thawkkhat a in ngaiin, 1992 Olympic a dingin nasatakin an singsa a, medal la ngei dinga ringkai pawl a ni bawka a phur nasa hle.
Barcelona khawpui a chun stadium mipui 65,000 haiin an en mur a, tlan dingin an inzo fel diem tah. An hei tlan a, sawtnawte hnung a chun a hnawtphak an um ta nawh. Metre 175 vel chau a bak tah a, a ke thahrui nat a hung suok a, a tlu der el tah a. A thil tum a hlawsam ding ti a hriet lei chun a ţap ta rawng rawng a, sienkhawm a tlu sawng el bik nawh. A tho a, ke khingkhat chun inbai kan kan te chun an elpui hai ala hnawt fan fan a... A hma dei a lo tlan hai chun mipui mit an lak hle a, ama chu a hmu fuktu an um mang nawh.
A tlan hai po an tlung vawng tah nia an ngai hnung chun, Derek Redmond chu ke khingkhat a inbai kan kan a tlan chu an hmu a, mipui chun a hrat hai lawmpui ta nek nek chun ama an thlir mur a, a thren an trap a, a threnin an kut a ben a, a hming inring tak taka samin an khek a... Chuong a ke khingkhat chaua a tlan chu mipui laia entu pakhat chun a enhla luot leiin security guard hai hung nerthlengin, Derek Redmond chu a hung chelbat a. Chupa chu tu dang niloin Derek Redmond a pa Jim a nih a. Jim"Bawi, chawl el ta rawh ie" Derek"Pa, ka la tlan tlung tho tho ding a nih" Jim"A ni chun ei pahni'n tlan tlung ei tih." Chuong chun finish line an tlung tawm phet chun, a pa Jim chun inthla in, Derek Redmond chu 400m race chu medal la tum lei ni loin, a tum ram chen chu lawmman dawng inbeisei lei khawm ni chuong ta loin, a tum ram chu harsa ieng ang sien khawm a tlan tlung ta tho tho a nih.
Entu mipuihai chu an ngir ta vawng a, ama lawm chun an kut hai benin mitthli le an insawp ta nuol a nih. ( Ei intlansiekna ram khawvel a hin, chau chang ni neiin, ei hratna thahrui, ei thlarau thahrui a nat leiin suolin a mi sawi tluk der chang um a tih. Sienkhawm mi entu Pa Pathien chun mi tlatlam ngai nawh nih a, ami thangpui dingin an pei zing hlak a nih. Ama tieng ei en chun, hratna thar le tho nawkin, chungtieng lawmman dawng inbeisei lei ni loin, ama kuom ei tlung hma po chu ei intlansieka hi chawl lovin tlan ei tiu, ei tum ram ei tlung pha chun, ei intlansiekna mi lo entu van mipui le angel haiin ropui takin mi lo lawm lut an tih.)
Barcelona khawpui a chun stadium mipui 65,000 haiin an en mur a, tlan dingin an inzo fel diem tah. An hei tlan a, sawtnawte hnung a chun a hnawtphak an um ta nawh. Metre 175 vel chau a bak tah a, a ke thahrui nat a hung suok a, a tlu der el tah a. A thil tum a hlawsam ding ti a hriet lei chun a ţap ta rawng rawng a, sienkhawm a tlu sawng el bik nawh. A tho a, ke khingkhat chun inbai kan kan te chun an elpui hai ala hnawt fan fan a... A hma dei a lo tlan hai chun mipui mit an lak hle a, ama chu a hmu fuktu an um mang nawh.
A tlan hai po an tlung vawng tah nia an ngai hnung chun, Derek Redmond chu ke khingkhat a inbai kan kan a tlan chu an hmu a, mipui chun a hrat hai lawmpui ta nek nek chun ama an thlir mur a, a thren an trap a, a threnin an kut a ben a, a hming inring tak taka samin an khek a... Chuong a ke khingkhat chaua a tlan chu mipui laia entu pakhat chun a enhla luot leiin security guard hai hung nerthlengin, Derek Redmond chu a hung chelbat a. Chupa chu tu dang niloin Derek Redmond a pa Jim a nih a. Jim"Bawi, chawl el ta rawh ie" Derek"Pa, ka la tlan tlung tho tho ding a nih" Jim"A ni chun ei pahni'n tlan tlung ei tih." Chuong chun finish line an tlung tawm phet chun, a pa Jim chun inthla in, Derek Redmond chu 400m race chu medal la tum lei ni loin, a tum ram chen chu lawmman dawng inbeisei lei khawm ni chuong ta loin, a tum ram chu harsa ieng ang sien khawm a tlan tlung ta tho tho a nih.
Entu mipuihai chu an ngir ta vawng a, ama lawm chun an kut hai benin mitthli le an insawp ta nuol a nih. ( Ei intlansiekna ram khawvel a hin, chau chang ni neiin, ei hratna thahrui, ei thlarau thahrui a nat leiin suolin a mi sawi tluk der chang um a tih. Sienkhawm mi entu Pa Pathien chun mi tlatlam ngai nawh nih a, ami thangpui dingin an pei zing hlak a nih. Ama tieng ei en chun, hratna thar le tho nawkin, chungtieng lawmman dawng inbeisei lei ni loin, ama kuom ei tlung hma po chu ei intlansieka hi chawl lovin tlan ei tiu, ei tum ram ei tlung pha chun, ei intlansiekna mi lo entu van mipui le angel haiin ropui takin mi lo lawm lut an tih.)
No comments:
Post a Comment